Kabhi Khushiyon Ki Saragam Likhenge
Kabhi Aankhon Ka Paani Likhenge
Mil Kar Ab Ham Bade Pyaar Se Zindagi Ki Kahaani Likhenge
Kabhi Khushiyon Ki
Sur Saje Na Saje Gunagunaate Rahein
Dard Mein Bhi Sada Muskaraate Rahein
Ek Duuje Ki Baahon Mein Baithe Rahein
Saat Pheron Ki Rasmein Nibhaate Rahein
Umr Ke Is Hasin Daur Ko Ham Vaqt Ki Meharabaaani Likhenge
Kabhi Khushiyon Ki
Raat Dhal Jaayegi Din Guzar Jaayenge
Apani Palakon Pe Sapane Sanvar Jaayenge
Khushbuu Saanson Mein Aa Ke Sama Jaayegi
Phuul Chaahat Ke Saare Bikhar Jaayenge
Dil Ke Mahake Huye Gulistaan Mein Dhadakanon Ki Kahaani Likhenge
Kabhi Khushiyon Ki
Ab Kisi Mod Par Bhi Na Bichhadenge Ham
Baant Lenge Aayenge Jo Koyi Bhi Gam
Aaj Se Aur Abhi Se Yah Vaada Raha
Jaan De Ke Nibhaayenge Apani Kasam
Hamane Socha Hai Ham Naam Tere Apani Ye Zindagaani Likhenge
Kabhi Khushiyon Ki